الاستخارة غيرت حياتى باسورد أنا وطفلى أنت فى مرأة الأخرين تمنيت تعلم العمرة بالصور حملة التضامن مع غزة


العودة   أخوات إيمان القلوب > الملتقى الدعوي > على طريق الدعوه

على طريق الدعوه ( ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ) النحل125



إضافة رد
 
أدوات الموضوع
غير متواجدة حالياً
 رقم المشاركة : ( 1 )
ثورية
فريق العمل
رقم العضوية : 7476
تاريخ التسجيل : Oct 2010
الدولة :
العمر :
مكان الإقامة : مصر الحبيبه
عدد المشاركات : 391 [+]
آخر تواجد : [+]
عدد النقاط : 10
قوة الترشيح : ثورية is on a distinguished road
الأوسمـة
بيانات الإتصال
آخر المواضيع

التوقيت
افتراضي مين العاقل ومين المجنون ؟؟

كُتب : [ 21 - 05 - 14 - 01:44 AM ]





قال الله تعالى :

( يَا أَيُّهَا النَّاسُ ضُرِبَ مَثَلٌ فَاسْتَمِعُوا لَهُ )

عايزين نضرب مثال بسيط ..




أب من الآباء جه لابنه ، ابنه مكنش لسه مدخلش حتى لسه التعليم الابتدائي ..طفل صغير خالص..

و إداله حصالة كبييييييييييييييرة
..
قاله: يا ابني الحصالة دي أي فلوس تجيلك مهما كانت قليلة حطها فيها .. هتلاقي يا ابني صحابك بيخدوا الفلوس وبيصروفوها في أي حاجة ملكش دعوة!.. إوعي تعمل زيهم!


حطها في الحصالة مهما سخروا منك حطها في الحصالة!



الولد سمع نصيحة أبوه دخل ابتدائي مصروفه كان لسه قروش بقي يحطه في الحصالة

أصحابه بقي يجيبوا حاجة ساقعة وحاجة حلوة وهو ملوش دعوة ..

يحط كل حاجة تجيله في الحصالة ..
وصحابه يبصوا يقولوا دا عاقل دا ولا مجنون؟؟

دا اكيد مجنون !!!!!



كبر ودخل إعدادي المصروف بتاعه بقي يقدر يجيب بيه يلعب بيه بلاي ستشن ويقدر يلعب بيه .. فيديو جميز !


ولكن لسه بيحط في الحصالة !!

ولسه صحابه بيبصوا وبيقولوا دا عاقل دا ولا مجنون؟

مجنون ده ولا ايه ؟؟



وهو برضه مش راضي يبص لهم ولا يبص لكلامهم



كبر ودخل جامعة وبقي يقدر إنه هو يجيب كروت المحمول ويقدر يكلم اللي هو عايزه طول الليل ..


بقى يقدر يوصل نت ويدخل علي المواقع اللي هو عايزها طول الليل ..


ومع ذلك لسه بيحط في الحصالة !!


ولسه صحابه بيقولوا عليه دا عاقل دا ولا مجنون ؟؟



كبر واتخرج .. بقي بيكسب ألوفات بقي يقدر يجيب عربية أحدث موديل ويجنطها .. ويركب طقم صوت .. ويركب اللي هو عايزه فيها .. ويشغل الأغاني اللي هو عايزها فيها ..

ومع ذلك لسه بيحط الفلوس في الحصالة !!

لسه كل اللي بيبصوا له بيستغرب دا بيعمل كدا ليه ؟؟





يا أخواني..


الراجل دا لو حد قرب من الحصالة بتاعته يعمل فيه ايه ؟؟؟

دا يموته!!

أهي الحصالة دي هي الجنة عند الصحابة..


الحصالة دي الجنة اللي كان الصحابة بيحوشوا ليها كل حاجة

بيحولوا ليها كل حاجة


لو كان حد قرب.... قرب من دين الصحابة كانوا عملوا فيه ايه ؟؟



السؤال الثاني يا جماعة..

الراجل دا يوم ما يفتح الحصالة ..

ساعتها كل الناس هيعرفوا


مين العاقل ومين


المجنون..؟؟

اللي فضل يعمل للجنة.. وفضل يحوش .. وفضل يجي علي نفسه

يوم القيامة
ساعة ما تتفتح الصحيفة ساعة ما تتفتح الحصالة ساعة ما تتفتح خزنة الحسنات بتاعته بإذن الله اللي ربنا تقبلها

كل الناس هتعرف مين العاقل ومين المجنون ..!

ساعتها كل الشباب اللي كانوا في الجامعة هيعرفوا ..


مين العاقل ومين المجنون ؟؟

الشاب اللي كان بيقف مع دي ومع دي ..

ويسمع الأغنية دي والأغنية دي.. ؟؟؟

ولا الشاب اللي كان بيصلي في الجامع وكان وعارف ربنا ؟؟

مين العاقل ومين المجنون؟؟




كل البنات هتعرف البنت اللي كانت متبرجة ودا مبسوط ودا معجب ودا بيتكلم ..


ولا البنت اللي مارضتش إن أي حد يشوف منها أي شيء تعففا منها وحياءا من الله والتزاما بأوامره ؟؟


مين العاقلة ومين المجنونة ؟؟



يا إخواني الحصالة ....

الحصالة اللي إحنا عايزين نحوش فيها كل حاجة
عشان نيجي يوم القيامة نلاقينا من أثرياء الدار الآخرة


قال تعالي :

{يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم}
.
.
"يوم ترى ..."
يوم ما هنشوف يا جماعة ..!!
كلنا هنشوف..!
بكرة هنشوف اللي إحنا كنا بنسمع عنه في الآيات النهاردة كلنا هنشوف وهنسمع وهنشوف كل حاجة قدام عنينا

"
يوم ترى..."

كل واحد مستني يوم..!
الشاب مستني يوم التخرج.. والبنت مستنية يوم الجواز.. والطفل مستني يوم العيد.. ودا مستني يوم ما يجي الأجازة عشان يروح المصيف.. ودي مستنية يوم ما يتقدم لبنتها عريس..

أنت مستني يوم ايه ؟

كل واحد مستني يوم بيحلم بيه ومشتاق ليه..

ايه اليوم اللي أنت بتحلم بيه؟


ايه اليوم اللي أنت مشتاق ليه؟



يا جماعة اليوم دا جاي جاي



" يوم ترى.."


اليوم اللي كل هنشوف فيه كل حاجة.. والحقائق هتبان



" يوم ترى.."


اليوم دا جاي جاي .. صبّر نفسك بيه .. صبِّري نفسك بيه!



صبّري نفسك بيه علي النقاب .. صبّر نفسك بيه علي قيام الليل صبري نفسك بيه علي الصيام .. صبّر نفسك بيه علي صنائع المعروف وكفالة اليتامى .. صبِّري نفسك بيه علي سخرية الناس من الملتزمات والملتزمين

اليوم دا جاي جاي هنعيشه....هنعيشه







"يوم ترى .."

ممكن النهاردة مفيش حد من الناس شايف" يوم ترى المؤمنين والمؤمنات"
شايف إن الغلابة دول اللي البعض بيحاربهم والبعض بيسخر منهم والجرايد بتعمل عليهم كاريكاتيرات والبرامج العلمانية بتسفه منهم ..

ممكن يكون محدش شايف مقامهم أد ايه يوم القيامة!!



الكل هيشوف مقامهم المهول عند الله !

ممكن النهاردة مفيش حد عارف العمل الصالح قيمته ايه .... ايه يعني اللي دخل الجامع؟

ايه يعني دا قام ليل؟
ايه يعني دا عاش لربنا ؟
ايه يعني دا اتكلم عن ربنا ودعا إلي الله وضحي عشان يرضي دين ربنا في كل حاجة ؟


ولكن يوم تري المؤمنين والمؤمنات ..


هتعرف قيمة العمل الصالح وهتعرف قيمة المعصية عند ربنا وخطورة المعصية عند ربنا سبحانه وتعالي



" يوم ترى .. "

هذا يومكم ..اليوم اللي هيتقال لكم فيه:
يا مؤمنين ويا مؤمنات !

بإذن الله .. هذا يومكم !


في ناس خدت أيامها في الدنيا ..


المتبرجات


خدوا أيامهم في الدنيا

العصاة خدوا أيامهم في الدنيا


اللي اتبعوا الشهوات خدوا يومهم في الدنيا


الآخرة هنشوف المؤمنين ألوف

هنشوفهم زى الشموس علي منابر من نور
مش هنشوفهم بلبس السجن بتاع الدنيا اللي هي سجن المؤمن هنشوفهم بلبس الجنة علي منابر النور يوم القيامة

هنشوفهم والدنيا كلها هتنبهر بيهم



تخيل موكب المؤمنين والمؤمنات!

تخيل خلاص معدش الاختلاط حرام لأن بقينا أخوات خلاص لأن الفتن راحت وأمراض القلوب راحت

خلاص المرأة اللي كانت متعففة في الدنيا في قمة جمالها وبهائها ورجال الجنة في قمة جمالهم وبهائهم



داخلين الصحابة مع أمهات المؤمنين مع الملتزمين مع الملتزمات اللي ربنا ثبتهم وتقبل منهم كلهم داخلين الموكب المهيب دا

تدفعي كام وتبقي فيه ؟

تدفع كام وتنضم للموكب دا ؟






"يوم ترى.."

يوم ما هنشوف يا جماعة ..
مين اللي متشاف النهاردة (في الدنيا) وتلتفت له الأنظار؟

اللي متشاف النهاردة الأغنياء .. اللي متشاف النهاردة أصحاب الأموال .. اللي متشاف النهاردة رجال الأعمال .. اللي متشاف النهاردة الوزرا .. اللي متشاف النهاردة أصحاب الكراسي.. اللي متشاف النهاردة بتوع
الشو الإعلاني والمغنين والمغنيات


إنما بكرة مين اللي هيتشاف ؟؟

مين اللي هيترفع قدام الدنيا كلها ؟؟

مين اللي هيترفع والعالم كله والكون كله يتفرج عليه مبهور ونفسه يبقي مكانه ؟؟



"يوم ترى.."

اللي فرط في الدنيا هيندم لما هيشوف اللي ربنا هيعمله لهم

اللي ماقامش الليل مش هيندم إلا لما يشوف ثواب اللي قام



اللي ماصامش اثنين وخميس مش هيندم إلا لما يشوف ثواب اللي صام


إلا ماصامش مننا مش هيندم غير لما يشوف اللي صام غير لما يشوف اللي تعب خد ايه ؟



"يوم ترى.."

مهما اتكلمنا عن المعني دا مهما استرسلنا عن اليوم دا
اليوم دا ربنا بيقولِك احلمي بيه .. اشتاقي ليه..

لو الدنيا كلها اشتاقت ليوم في الدنيا اشتاق إنت ليوم القيامة لليوم اللي هتشوف فيه ربنا




{يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم}





الشيخ الدكتور حازم شومان







رد مع اقتباس
غير متواجدة حالياً
 رقم المشاركة : ( 2 )
ملاذى الله
رقم العضوية : 5501
تاريخ التسجيل : Aug 2009
الدولة :
العمر :
مكان الإقامة :
عدد المشاركات : 4,077 [+]
آخر تواجد : [+]
عدد النقاط : 2565
قوة الترشيح : ملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond reputeملاذى الله has a reputation beyond repute
الأوسمـة
بيانات الإتصال
آخر المواضيع

التوقيت
افتراضي رد: مين العاقل ومين المجنون ؟؟

كُتب : [ 22 - 05 - 14 - 06:47 AM ]

جميل جزاكم الله خيراااااا





رد مع اقتباس
غير متواجدة حالياً
 رقم المشاركة : ( 3 )
ثورية
فريق العمل
رقم العضوية : 7476
تاريخ التسجيل : Oct 2010
الدولة :
العمر :
مكان الإقامة : مصر الحبيبه
عدد المشاركات : 391 [+]
آخر تواجد : [+]
عدد النقاط : 10
قوة الترشيح : ثورية is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: مين العاقل ومين المجنون ؟؟

كُتب : [ 11 - 10 - 14 - 10:17 PM ]

جزانا الله وإياكم





رد مع اقتباس
إضافة رد
  

مواقع النشر (المفضلة)

الكلمات الدلالية (Tags)
المجنون, العاقل, ومدو

أدوات الموضوع

تعليمات المشاركة
لا تستطيعى إضافة مواضيع جديدة
لا تستطيعى الرد على المواضيع
لا تستطيعى إرفاق ملفات
لا تستطيعى تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


RSS RSS 2.0 XML MAP HTML

الساعة الآن 09:24 PM.


   الدرر السنية

بحث عن:



 
Powered by vBulletin
.Copyright ©2000 - 2016, Jelsoft Enterprises Ltd